Следи ја изложеноста на COVID-19
Да го запреме ширењето на вирусот заедно!
Придружи ѝ се на акцијата, активирај ја апликацијата сега!
StopKorona! e мобилна апликација изработена според најдобрите светски практики во справување со корона-вирусот, наменета за откривање близок контакт со потенцијално заразени лица преку постапка за детекција на блискост на мобилни уреди/апликации преку Bluetooth технологија.
Целта е мобилната апликација да им даде брз одговор на здравствените органи со кои лица бил заразениот во близина во изминатите 14 дена.
Заштитете се себе си и своите блиски. Активирајте StopKorona! сега и помогнете заедно да го победиме вирусот.
Споделете ја информацијата за StopKorona!,
и помогнете и другите да ја инсталираат и
активираат апликацијата. Колку повеќе луѓе ја користат апликацијата, толку побрзо ќе ја надминеме оваа закана.
Апликацијата комуницира преку Bluetooth со другите корисници на апликацијата и разменува енкриптирани, анонимизирани податоци за оддалеченоста на сите уреди кои се во ваша близина, на далечина релевантна за ширење на заразата, определено време во текот на изминатите 14 дена.
Во случај некој корисник на апликацијата да заболи од вирусот, Министерството за здравство по СМС ќе побара корисникот на апликацијата да ја сподели со Министерството листата на неговите податоци од апликацијата, по што надлежните ќе ги детектираат телефонските броеви и ќе ги информираат лицата дека биле во контакт со лице кое е носител на COVID-19 , водејќи сметка за целосна заштита на приватноста.
За да ја активирате апликацијата, следете ги следниве едноставни чекори:
Регистрирајте се со внесување на вашиот мобилен број
Внесете го кодот што ќе го добиете преку СМС
Вклучете Bluetooth секогаш кога сте во движење надвор од дома
За корисниците на Andriod: Чувајте ја апликацијата отворена во заднината, за да може да ги скенира уредите што се во близина.
За корисниците на iOS: Доколу користите iOS, потребно е апликацијата да биде вклучена и активна кога сте во движење или на состанок, како и да го свртите уредот мобилниот апарат со екранот преклопен надолу, за да се активира безбеден режим на напојување (штедење на батеријата).
од користењето на апликацијата
Информација за можна изложеност на вирусот
Доколку некој што бил во ваша близина заболи од COVID-19 и ги сподели податоците со Министерството за здравство, ќе бидете информирани за да преземете навремени мерки за самоизолација, тестирање и за лекување.
Заштита на вашето здравје и на вашите блиски
Со активирање на апликацијата побрзо ќе дојдете до информација за потенцијално загрозување на вашето здравје, а со тоа ќе преземете мерки за изолација, со што го заштититувате вашето семејство
Солидарност во борбата против корона-вирусот
Сите корисници на апликацијата даваат личен придонес во колективната борба со оваа заедничка здравствена опасност. Колку повеќе корисници на апликацијата – толку подобри резултати во борбата против вирусот.
Спречување на синџирот на ширење преку брза идентификација на заразените
Преку доставување на податоците од апликацијата придонесувате побрзо да го прекинеме синџирот на ширење на заразата од вирусот.
Контрола врз вашите податоците и заштита на приватноста
Единствениот податок поврзан со Вас е Вашиот мобилен број кој се чува на безбеден сервер управуван од Министерството за здравство со цел спречување на ширење на вирусот.
Податоците од апликацијата се спооделуваат исклучиво на барање на Министерството за здравство. Доколку корисникот на апликацијата е позитивен на тест за COVID-19:
Единствен ваш податок кој го чува Министерството за здравство е Вашиот мобилен телефонски број.
Штом ќе се регистрирате на апликацијата, по случаен избор се генерира анонимизиран уникатен алфанумерички код (шифра) за корисничка идентификација, на пр.987g564. Кодот се поврзува со вашиот мобилен број. Мобилниот број и шифрата на корисникот се чуваат на безбеден сервер и никогаш не се прикажауваат јавно.
Апликацијата не следи ниту собира податоци за вашето движење и локација. Користи Bluetooth технологија за да го утврди вашето растојание од другите телефони на кои е активна истата апликација.
Кога сте блиску до друг телефон со активна апликација, двата телефони користат Bluetooth за да разменуваат шифри (алиаси) од апликацијата. Истите може да ги декриптира само Министерството за здравство и не го открива вашиот идентитет или идентитетот на другата личност.
Податоците за шифри од апликации близу вас се чуваат исклучиво на вашиот телефон. Во случај корисникот на апликацијата да се зарази со COVID-19, самостојно одлучува дали на Министерството за здравство ќе му даде пристап до неговите податоци зачувани во мобилниот телефон кои не содржат мобилни броеви туку само шифри, кои може да ги декриптира исклучиво Министерството за здравство. Споделувањето на податоците собрани од користењето на оваа апликација со Министерството за здравство е во согласност со член 13 став (2) точка 9) од Законот за заштита на личните податоци.
Во секое време Вие можете да ја отповикате согласноста за чување на Вашиот телефонски број преку отворање на паѓачкото мени во горниот десен агол во отворената апликација и селектирање на опцијата Избриши податоци.
По оваа активност преземена од Ваша страна, апликацијата ќе ви појави нотификација со следнава порака: „Ќе бидат избришани сите пратени податоци и информации од регистрацијата. ОТКАЖИ / ИЗБРИШИ", каде повторно ќе имате можност да изберете помеѓу ОТКАЖИ или ИЗБРИШИ. Доколку одберете ИЗБРИШИ, Вашиот мобилен број трајно ќе биде избришан од нашиот сервер. Исто така, сите податоци што вашaта апликација ги зачувала, податоците што веќе сте ги пратиле, како и анонимните кодови за вашата апликација во другите апликации со кои сте биле во близина ќе бидат трајно избришани од нашиот сервер.
Аndroid апликацијата работи на уреди со Android оперативен систем, верзија 5.0 или понова. Уредот мора да има поддршка за BLE (Bluetooth Low Energy) Advertising.
iOS апликацијата работи на уреди со iOS опертивен систем, верзија 11 или понова. Уредот мора да има поддршка за BLE (Bluetooth Low Energy) Advertising.
Доколку сте корисник на Android: StopKorona! работи и во заднината, така што можете да ги користите и другите апликации.
Доколку сте корисник на iOS: StopKorona! најдобро работи во преден план. Препорачуваме корисниците да ја одржуваат StopKorona! отворена на состаноци со преклопен екран надолу на места полни со луѓе. Во овој случај ќе биде активиран режимот на „заштеда на енергија“, а екранот ќе биде затемнет.
Режимот за заштеда на енергија на вашиот iOS-уред може да го активирате доколку го свртите вашиот телефон надолу или ако го ставите наопаку во џебот. На овој начин StopKorona! може да го скенира вашето опкружување, штедејќи ја вашата батерија.
Да, ве молиме оставете го Bluetooth активен. Доколку, сепак, сакате да го исклучите доколку сте дома, не заборавајте веднаш по излегување да ја вклучите и апликацијата и Bluetooth-опцијата.
На апликацијата StopKorona! не ѝ е потребна интернет врска за да функционира.
Другите уреди што функционираат со Bluetooth, како што се безжични звучници, безжични слушалки, паметни часовници, микрофон во автомобил, нема да бидат засегнати и може да се користат нормално.
Во случај да ја избришете апликацијата, сите локално зачувани податоци во апликацијата ќе бидат избришани. Корисникот повеќе нема да може да ги сподели зачуваните податоци. Во тој случај потребно е апликацијата повторно да се инсталира.
Доколку сте го смениле телефонот и сте го задржале оригиналниот мобилен број, преземете ја StopKorona! на новиот телефон и регистрирајте се со вашиот мобилен број.
StopKorona! користи примени вредности за јачина на сигнал (RSSI), преку кои ја мери јачината на сигналот меѓу телефоните. Калибрираните вредности на RSSI се користат за да се процени приближното растојание меѓу корисниците, а времетраењето на таа конекција се евидентира од страна на самата мобилна апликација.
StopKorona! работи на детекција на блискост на мобилни уреди/апликации кои меѓусебно разменуваат информации (алијас кодови). Апликацијата разменува Bluetooth-сигнали со други телефони кои се во ваша близина, а кои имаат активна апликација и вклучен Bluetooth. Апликацијата не собира и чува податоци за локацијата.
Податоците зачувани во апликацијата се праќаат на доброволна основа исклучиво на барање од Министерството за здравство доколку се утврди дека сте позитивни на COVID-19. Во овој случај ќе добиете СМС со КОД што треба да го внесете во апликацијата при избор на ПРАТИ ПОДАТОЦИ.
StopKorona! е мобилна апликација изработена како донација од Nextsense за потребите на Министерството за здравство, во соработка и со поддршка од Министерството за информатичко општество и администрација.
Дозвола за локација се бара едиствено на некои уреди со Android затоа што Android/Google бара апликациите кои имаат потреба од пристап до Bluetooth Low Energy исто така да добијат дозвола за локација. Но, StopKorona! не прибира ниту користи GPS-податоци за локација на Android-уредот.
StopKorona! е мобилна апликација за лесно откривање на контакти со потенцијално заразени лица од COVID-19, изработена и донирана од Nextsense како поддршка на Министерството за здравство на Република Северна Македонија во исклучителните напори во борбата против COVID-19.
Апликацијата е изработена во консултации и со поддршка од Министерството за информатичко општество и администрација на Република Северна Македонија.
Користејќи го знаењето од областа на технологијата и благодарение на најдобрите меѓународни практики од слични апликации кои работат во Сингапур, Германија и Велика Британија кои нè инспирираа да ја креираме оваа апликација и ни служеа како пример, Nextsense ја изработивме мобилната апликација StopKorona!, наменета за изложеност на потенцијални случаи со COVID-19. случаи. Апликацијата е заснованa на Bluetooth технологија која што ги детектира околните уреди со инсталирана апликација и снима податоци за далечината, алиасот (шифрите) на апликацијата кои се наоѓаат во близина и времето на интеракција за изминати 14 дена, како и проследување на податоците од страна на корисникот до Министерството за здравство.
Корона вирусот (CОVID-19) сериозно влијае врз животот на луѓето и наметнува потенцијална опасност за нашето здравје, а со тоа и на целото општество. Заради преземање мерки за спречување на ширењето на вирусот, а и за да создадеме услови за негово побрзо искоренување, изработивме мобилна апликација насочена кон мобилизирање на заедницата во заедничкото дејствување за контрола и откривање на вирусот, како комплементарна мерка со активностите кои континуирано се преземаат од страна на Министерството за здравство на Република Северна Македонија при откривање на евентуално заболени лица од COVID-19. Податоците кои произлегуваат од StopKorona! се интегрираат во процесите за детектирање контакти во Министерството за здравство по добивање согласност од страна на корисниците на апликацијата.
Со доброволно преземање на апликацијата, корисниците даваат личен придонес во процесот на откривање на лицата што биле во контакт со нив, кои се потенцијални носители на вирусот. Тоа им овозможува да бидат информирани доколку подолго време биле физички блиски до заразено лице.
Сметаме на поддршка и на широко распространета акција за користење на апликацијата од страна на сите членови на нашата заедница. Со прифаќањето на придобивките од StopKorona!, секој од нас дава личен придонес во борбата против COVID-19 и во спасувањето човечки животи. Колку повеќе луѓе ја користат апликацијата, толку побрзо ќе се избориме против оваа опасност.
Како наш придонес во борбата против глобалната закана од COVID-19, подготвени сме да ги поддржиме другите земји да ја преземат StopKorona! бесплатно. Контактирајте нѐ.
